Champhaia ELC din tur sawiho – senso tur Rs. nuai 50 dawng tawh

Sawrkar Laipuia Ministry of Information & Broadcasting sum Rs. nuai 100 senga ‘Experiential Le- arning Centre (ELC)’ Champhaia din tur chungchang ngaihtuahin nimin khan ELC Management Committee chu an Chairman Champhai Bawrhsap James Lalrinchhana hovin an thukhawm.

Champhai ELC hi Mizorama ‘Experiential Learning Centre (EL- C)’ hmasaber tur a ni a. ELC Management Co- mmittee Chairman chu- an ELC chungchang sawizauvin, ELC-in a tum ber chu naupangte leh thalai ten technology thar hrang hrang an inzir theihna tur hmun ruahmana, hmanraw tul hrang hrang chhawpchhuahsak a nih thu a sawi a. ELC ah hian Augmented Reality, Virtual Reality leh Metaverse khawl hrang hrangte dah a ni dawn niin a sawi.

Sawrkar Laipuia Mi- nistry of Information & Broadcasting-in a senso za-a za a tum tur a ni a. A enkawl chhunzawmna leh khawl repair leh thawktute hlawh chu amaha intum thei tura beisei a ni. ELC din na tur hian sanction tihfel tawh niin Rs. nuai 50 dawn tawh a nih thu sawrkar thuchhuah chu- an a tarlang.

ELC Management Committee Chairman Champhai chuan tunlai khawvel changkang chho zelah information technology lama hmasawnna hrang hrangte thangthar ten an inzir ve zel a tul thu sawiin, ELC chu Champhai district-a zirna tihmasawntu hmanraw pawimawh tak a la nih ngei a rin thu a sawi a. Zirlaiteah Science and Technology leh information technology lama tuina leh thiamna a thlen ngei a beisei thu a sawi bawk.

Champhai SDC Mo- ses Lalfakawma Tlau-in ELC-a dah tur khawl te a sawifiah a. Fast Moto X Bike 17, Bike Racing super Bike, 9D VR 360, EGG VR, VR HTC Arena Without fence, Car Racing Out Runner Deluxe -32, Holo World, online UPS leh CVT te dah tur a nih thu sawiin, supplier atan Bell AtoZ Pvt. Ltd, New Delhi chu committee chuan a thlang ni.

ELC hi CHANEM Building, 2nd Floor-ah dah a ni dawn a, a hmuhma cheibawl hna chu UD&PA Engineer-te enkawlna hnuaiah kalpui mek a ni.

Leave a Reply

error: Content is protected !!