A hman hmanin Dawhsan atangin Israel an sawichhe miah miah emaw tih mai tura Berlinale 2024 festival-a winner thenkhat khawsak dan chu Germany-in a chhui dawn.
Berlin Film Festival 2024 neih zawh takah tan lam nei tih hriat ngawih ngawiha Gaza-a Israel chetna dem a, Hamas firfiak te chetna sawilang chuang si lo te kalkhat lutuk chu German official te chuan an bawhzui ang, an ti.
He hunah Israel huatna a riring a, Hamas frifiakte’n an run vanga vuatklet na tak chungchanga thisen chhuah hmasatu te sawirik a ni lo chu an hrethiam thei lo.
US filmmaker Ben Russel phei chuan Palestinian scarf a awrh a, Israel-in Gazaa insuatna nasa tak a kalpui mek, a ti.
Palestinian filmmaker Basel Adra pawhin Palestinian mipuite chu Israel-in a suat miah miah mai, a tih lai chuan mipui lam atangin kut bengthawm a tha hle.
Germany sorkar thupuangtu Hoffmann chuan, “Hei hi pawm theih a ni lo. October 7, 2023-a Hamas ho tharumthawhna kha sawilan a ni lo,” a ti.
Berlin Film Festival-a senso sum leh pai tam zawk hi sorkarin a tum a, heti anga Israel huatna leh one-side taka kalpui a nih sorkar tan pawh inngaihtuah that a ngai ngei dawn nia hriat a ni.