- Lallunghnema, Charity Lodge
February ni 22 zing kar khan kan nu(ka nupui) unau nu pasal neihna Veng Saikhama kawnah ka va tel ve a.Pathian leh Kohhran hmaa thu an tiam hnuin Inneihna ruai kan kil a.
Chumi hnu chuan kawngpui ân a dawr pakhatah chuan ka tei lut a, an thil zawrh ka mamawh eng eng emaw ka lei a. Kei hi tawng duh ve tak ka nih avangin dawr nghaktu pa chu ka be nghal bawrh brawrh mai a. He Vengah hian hman kum eng nge maw zat liam ta 1974 vela St. Paul’s High School-a ka kalpui thin, ka thianpa Lalbuaia a awm a.Hmuh ka chak avangin a chanchin te chu ka zawt nghal mawlh mawlh a. Inneih inkhawmna a, hmuh ka lo beisei thu leh ka hmuh duh thu ka hrilh bawk a. Thianpa Buaia hi helai Veng, Saikhama kawna kal ka chak chhan pawh a ni a. He Dawr nghaktu hian Pu Buaia chu a dam that thute chu min hrilh a, ka lawm hle.Mahse, thianpa Buaia hmu lo chuan ka haw leh ta tho a . Hmuh ka chak teh reng nen!
Hetiang hian kan thupuia lut lawk lo hian thu hma neih zauh ka ching a, chhiartu thenkhat phei chuan “Thuhma ngah lutuk thin suh”, min tih phah. Mahse ka sim thei chuang lo, sim ang reng tawh tak chu ka ni.
He Dawr hi K.L Variety Store a ni a, dawr lian tak a ni. Khatia ka han insawi pawh takah chuan Dawr nghaktu chuan a bula thu turin min sâwm a.
Dawrkai nêlawm tak bulah chuan thut hmun ka rem ve ta nghal a . He thil chi hrang hrang zuartu pa hian thingpui sen min,’ khilai,’ ta nghal a. Thla ka lakpui bawk a. Kha tianga zak lo ang reng taka ka han titipui bawrh bawrh thei kha ka lawm êm êm a ni.
Dawrkai pa nen kan inbiakna hi tawi tein ka han tarlang a,i lo ngaithla teh ang.
Hnema: Hei, ka Pu, i dawrah ka lo leng a, thil ka rawn lei a. MRP aia sangin i hralh thin em?
MS-a : Ka dawr thil reng reng hi MRP aia hniam vekin ka hralh thin. MRP aia sanga hralh hi ka ti ve ngai lo. Duh pawh ka duh lo. MRP aia hnuaia thil thalh tur kan ni a. Hlêp a tam chang a awm a, hlep a awm loh hun a awm ang, Dik tak leh rinawm taka Dawr kai tur kan ni a. Customer neih tam duh chuan rinawm a ngai a ni.
Hnema: Hei, i dawrah thil ka lo leng a, dawr i nuam khawp mai!
MS-a : Min dawrtute tihlawm hi ka duh ber a ni a. An lungawi tur a ni tih hi ka ngaihdan a ni.
Hnema: Customer Care i nei tha riau mai!
MSa: Nia Customer Care hi ka ngai pawimawh em em a. Customer Care hi ka thupui ber a ni.
Hnema: Chu, Customer Care chu i nei nasa e, eng vanga , ngai pawimawh em em nge i nih?
MS-a—Ni e, Customer Care ka zir tawh a.Customer Care hi keini sumdawngte tan hian a pawimawh hlein ka hria a.
Hnema : Customer Care chu i zir a maw?Chutiang zirna chu a lo awm reng em ni?
MS-a : Customer Care zirna buatsaih a ni dawn tih ka hriatin ka ngaihven nghal a. SBI hovin an buatsaih a ni.
Hnema: Chu Customer Care in zir ngei em? I hlawkpui bawk em?
MSa : Chawlhkar khat chhung chauh a ni a. Ka tangkaipui khawpin ka hria.
Hnema:A lawmawm hle mai! Inhmu ngai lo, kan intawng a. Hetiang mi sumdawng Customer care ngai pawimawh hi ka la hre ngai lo asin!
Dawrkaia min dawrtute hi kan dah pawimawh hmasa ber tur a ni a. Min dawr an zawng chhang zel nan kan lo ti tha tur a ni a. An mamawh kan zawt ang a, an duh kan pe ngei tur a ni.
Ram changkangah customer care a nasa a, an dinchhuahpui thin. Nang pawh customer care I neih that avangin I ngaihtuah awm loh hle ang tih ka ring.
Hun rem changah ka lo leng leh ang.
Ka lawm e.
Nia, hei hi i hria ang u: Dawrkai fel tak, hawihhawm leh rinawm hian ram leh hnam an chawimawi thin tih hi. MS-a hian thingpui sen min lo hlui tih ka sawi tawh a, ka lawm em em a ni,tih thu hi ka’n sawi nawn leh teh ang .
Customer Care is the pillar of success.
Joint Centre For Consumer Education, Republic Mualvengchung, Aizawl Mizoram Vety Complex.
Ph. 9862288182/9402321590