Aizawl : Lunglei Science Centre Auditorium, Zohnuai-ah Inrinni khan Lunglei Science Centre (LSC) leh Mizoram Science Technology and Innovation Council (MISTIC)-in National Science Day an hmang a. Lunglei Govt. College-a Department of Chemistry zirlaite bakah Jawahar Navodaya Vidyalaya School, Pukpuia zirlai te an tel.
National Science Day hi kumtin February ni 28 ah India ram pumah Dr. CV. Raman-a’n Raman Effect a hm- uhchhuahna ni denchhena hman thin a ni a. Kumin hian ‘Indigenous Technology for Vikshit Bharat’ tih thupui a hm- angin India ram pumah hmalak mek a ni a, chu- tih rual chuan sub-the- me hrang hrang neia hun hmangin, India rampumah hmalak mek a ni.
India ram puma, zirlaite leh mipui nawlpui zingah he hun hi zau zawka puandarh a nih theih nan, February ni 26, 2024 atang khan hman tan a ni a. Mizoramah chuan a lawmna pui ber chu February ni 28, 2024 khan Innovation facility Centre, MINECO, Aizawlah neih a ni a. District hrang hrangah thupui then hrang hrang hmangin progra- mme hman chhoh mek niin, nimin thleng khan India ram hmun hrang hrangah a lawmna hun hi buatsaih a ni.
Lunglei Science Ce- ntre-ah chuan ‘Science with fun’ tih thupui hm- angin hun hman a ni a. He hun hi Lalramm- awia, Curator, Lunglei Science Centre chuan kaihruaiin, kalkhawmte lawmna thu a sawi a, hun hlimawm tak hma- ng turin duhsakna a hlan.
Dr. Joseph Lianbuanga, Assistant Professor, Department of Chemistry, Lunglei Govt. College chu resource person niin, Science zir hi thil nuam leh hlimawm tak a nih thu a sawi a. Thangthar zawk te pawhin Science zirna uar chhoh deuh deuh a tul thu sawiin, khawvel hnam changkang leh ram changkang an tih te chu Science & Technology a ram hmasawnte vek an nih thu a sawi.
K. Lalthantluanga, Education Assistant, Lunglei Science Centre-in lawmthu sawiin, hun chep tak kara school, media lama thawkte leh resource person an sawm ten hun an hmanpui theih avangin lawm- thu a sawi a. Science & Technology chawilara a a lo awm zel theih nana hmalakpui zel turin a sawm bawk.