Nigeria rama tuialhthei inpekchhawnna pipe lian tak puta mipuiten tuialhthei an inchuh laiin a puak a, mi 50 chuang chin hriat lohvin an awm phah mek.
He chhiatna hi an ram chhim lam, Bayelsa state-a Nembe-a thleng a ni a. Nembe Chiefs Council thupuangtu, Nengi James-Eriworio chuan pipe lian hi Inrinni tuka puak kha niin a sawi a. Tuialhthei put hi mipuiin an inchuh a, an innek buai a, a puak zui bawk si a, chhiatna rapthlak tak a thleng ta tih a sawi.
Nembe trunk line hi Port Harcourt-a hmunpui nei, Aiteo Group-in an enkawl a ni a, tuialhthei thlitfim loh hi Bonny export terminal-ah pipe lian hmang hian an pe chhawng thin a ni.
Pipeline hi Agip, Oando leh Shell Petroleum Development Company intawm a ni a. Nigeria-ah hian tuialhthei company-te avang hian chhiatna a thleng nasa a, rulruk leh a ruka a khur lo neih pawh a tam hle a ni.