- Dr. C. Lalrampana
Vun thak, pang thak satliah, tangseh; uithak, thosi/uihli/khumfa/Saiphaw/Vaihmite seh etc. vang ni lem silova taksa, hmai leh kapkar emaw taksa nem laia bawlsen tereuhte thak sep sep reh hlei thei lo i vei chuan heng a hnuaia tarlante hi hmang la a tha a, mahse, damhlenna tak tak chu Pathian chauh a ni tih hre rengin Pathian rinchhanin inenkawl thin la i dam zel ang. Chungte chu:-
- Baking soda tui thianghlim nen uluk takin chawk ban hnang thlarh la a thak bawl lai apiangah khan hnawih ang che.
- Thakthing powder leh khawizu inzatin uluk takin chawhpawlh la a thak bawl laiah hnawih ang che. Thakthing hi Zokhaw lamah leh khawpui daifemahte pawh hmuh tur a la awm nual.
- Neem oil siamsa (Readymade) hnawih a tha a, neem hnah densawm tui hnawih a tha bawk. Neem hnah chhum tuia inbual a tha bawk.
- Sandalwood powder leh Chinai tui (lime juice) chawhpawlh ban hnang thlarh hnawih a tha.
- Hnim rimna tak a hnah eng chi (yellow dock) an tih thin hi chhum la a tuiin inbual a tha.
- Mangai chithlum (Peppermint) thisensang leh zunhlumho thingpui thlum nana an hman thin hi tuiah tlem pawlhin inbual a tha.
- Puanthem thianghlim tui vawta tih huh emaw, vur fun (ice pack) hmangin i vun thak laiah khan minute 5-10 chhung nitin vawi hnih tal dep thin ang che.
- Chhangphut buh (oatmeal) inbualna tur tuiah thirfiante 1-2 telhin uluk deuha chawhpawlh hnuah inbual nan hmang thin la thak tihrehna tha tak a ni thei.
- Vaseline® Jelly uluk deuhin I vun thak laiah nitin vawi hnih hnawihin nuai thin la thak tihrehna tha tak a ni thei.
- Aloe Vera hnah kheh la, a chhunga a gel la chhuakin rawtsawm la i vun thak laiah nitin vawi hnih tal hnawih a tha hle.
Heng zinga mite hi i tana awlsam ber tur hmang mai rawh. A engapawh khi hmang la nitin khel lovin a hun tak zelah ti thin la, a reh hma chuan hmang zãwm zel ang che.