Eurovison zai intihsiak lo thleng turah Israel aiawha ding tur hla thlan khapsak a nih tak vangin hla thu dang a thlak a ngai dawn ta.
Israel sorkar hnuaia public broadcaster chuan an hla, ‘October Rain’ chu tha ti viau mah se, politics thila lam tang emaw tanbik neih a rem loh vang leh organiser lamin political neutrality an phut tlak bawk si vangin Eden Goland sak, ‘October Rain’ hi tunhnai khan Israel aiawh a intihsiakna hla atan an remti ta lo a ni.
He hla ah hian October 7-a Hamas firfiak pawl te’n Israel an beihna a phochhuak a, amaherrawh chu Organiser te mit mei a hmu thei lo thung.
Israel President Issac Herzog chuan Eurovision-a an tel theih ngeina tur atan chuan tlema han insiam rem ve deuh te pawh a ngai, a ti a. ‘October Rain’ sa thei dawn lo mah se, hla dang nen an inlan theih tur ngaihtuah ngei turin a buaipuitute a chah.