Lunglei District Health Society peng Sub-Committee on Non-Communicable Diseases (NCD) member te chu nimin khan an Chairman, Addl. DC (P) ni bawk James Miahlung hovin Lunglei-ah an thukhawm a. Lunglei district chhunga NCD chungchanga Awareness Campaign leh Screening test beihpui thlak dan tur te an sawiho a ni.
Mizoram chhungah Non-Communicable Diseases (Inkai- chhawn theihloh nat- na) – Cancer, Hypertension, Stroke, Diabetes. etc. ten nunna a suat nasa tawh hle a. Khawvel pumhuap pawhin NCD hi natna thihpui tam ber te zing ami a ni. Lunglei district-ah pawh Indian Journal of Medical Research kum 2021 a tihchhuahin a tarlan danin, thihna thleng zinga za-a 26 chu NCD vang a ni.
Lunglei district mipui ten NCD laka nunna an hloh tawh loh nan engtia hmalak tur nge tih relin, ni 26 February khan District Health Society member te an lo thukhawm tawh a. An thurel bawhzui tur chuan Sub-Committee din a ni a, sub-Committee chuan nimin khan Awareness Ca- mpaign leh NCD Screening Drive beihpui thlak dan tur leh a kaihhnawih thil pawimawh tam tak te an ngaihtuahho ta a ni.
Hmalakna pakhat atan ‘Healthy Lunglei Campaign’ hawnna/ tlangzarhna program- me chu Lungleia Old Tennis Court hmun-ah March ni 11, 2024, zing dar 7:30 ah hman ni se tiin, a tlangzarhtu tur atan Health Minister Lalrinpuii sawm ni se, an ti bawk.
He thutkhawmah hian Kohhran fellowship hrang hrang kaltlanga hmalak dan tur te, vantlang mipui zinga hmalak dan tur te, HSS leh College zirlaite hnena hmalak dan tut e, MUP leh MHIP zinga hmalak dan tur te, electronic media kaltlanga hmalak dan tur te, YMA/Kohhran thalai member te zinga fitness/hriselna chungchanga survey neih dan tur te pawh an rel a. Brand Ambassador tur te an ruat nghal bawk.