National Health Mission hnuaia National Programme for Prevention and control of Deafness (NP- PCD)-in nimin khan ri hriatna lama harsatna neite ni World Hearing Day an hmang.
Kum 2007 atang khan kumtin March ni 3 ah ri hriatna lama harsatna nei te ni World Hearing Day hi hman thin a ni a, kumin hian Pathianni ah a tlak ava- ngin nimin khan Aizawl Press Club ah thuthar thehdarhtute nen he hun hi an hmang a ni.
PwD Commissioner Vanlaldiki Sailo chuan thuthar thehdarhtute te chu rualbanlo ten an dikna chanvo an chan theihna tur puangzartu pawimawh tak an nih thu sawiin, hemi kawngah hian theihtawpin hma la chhunzawm se a duh thu a sawi a. RP- wD Act chu rualbanlote humhalhna dan tha tak a nih thu sawiin, rualb- anlo ten nasa takin hma an sawn tawh tih a sawi.
NPPCD thawktute hmalakna lawmawm a tih thu sawiin, mithiam rual te enkawlna hnuaiah rualbanlote tan mel lung pawimawh tak a nih thu a sawi a. Bengngawng te hmuhchhuah kawngah leh tanpuina an pek tawh te a ropui hle a ni, a ti bawk.
He hunah hian Dr Lalramnghaki ENT Surgeon, NPPCD Civil Hospital Aizawl chuan kumin World Hearing Day thupui sawiin, Dr Robert L Khawlhring, State Nodal Officer chuan NPPCD thil tum te a sawi bawk a ni.