Aizawl : Saitual District Level Media Certification & Monitoring Committee (MCMC)-in nimin khan District Election Officer Dr. Lalngura Tlau hovin training an nei a . Lok Sabha MP inthlanpui, 2024 atana MCMC in a tih tur leh an hmachhawp te inhrilhhriatna hun an hmang.
MCMC Chairman Dr. Lalngura Tlau chuan kumina Lok Sabha inthlan lo awm tur atan print & electronic media-a advertisement rate felfai tak siam a tul thu a sawi a. District Election Officer chuan Election Commission of India (ECI)-in inthlanpuiah candi- date ten sum an hman theih zat bituk a siam thin tih sawiin, party tin ten media lama an senso chhut nan media atana an hman man chu lo endik pawh a pawimawh thu a sawi.
Dr Lalngura Tlau chuan MP inthlan chu MLA inthlan ang lo takin Mizoram tan MP pakhat chauh thlang chhuak tur ni mah ila, Election Commission of India chuan a ngai urhsun hle tih a sawi a. Tha thlah lova tan lak a tul thu a sawi.
Training hi David A Lalhmingchhuana, District level MCMC Secretary chuan kaihhr- uaiin, MCMC awm- zia,a hnathawh dan tur te leh MLA inthlana MCMC an lo kalpui tawh dan te an thlirlet a. Lok Sabha inthlan atana pawimawh te inzirtirna hun hmangin, zawhna leh chhanna hun te an hmang bawk.
He Training-ah hian MCMC member te an chu tel kim hle a, hun remchang hmasabera print leh electronic media rate chungcha- ngah meeting koh leh an tum bawk a ni.