Central YMA hnuaia Kumpuan Sub-Committee, 2024 kal mekah nimin khan Kumpuan Volunteer mi 12 ruat tharte lawm luhna hun hman a ni.
Tuikhuahtlanga Central YMA pisa-a inlawmna hun hman hi H.F Lalrinpuia, Secy, Kumpuan Comt.. & CEC in a kaihruai a. Central YMA Vice President, Prof. Lalnuntluanga, Chairman, Kumpuan Sub-Comt. chuan lawmluhna hun hmangin thu a sawi a. Ruihhlo leh sualna hrang hrang hluar zel dona kawngah tan lak thar zel a tul thu a sawiin, YMA tih awm taka hmalakna kalpui tura chahin zawldawh taka hmalakna kalpui turin a chah kalkhawmte a chah bawk.
He hunah hian Central YMA President kal chhuak Vanlalruata leh R. Lalngheta te pawhin fuihna thu an sawi bawk.
Nimin vek khan Excise Minister Lalnghinglova Hmar chuan Central YMA Kumpuan duty-na, CYMA Zawlbuk tlawhin an inkawm a, thilpek a hlan nghal bawk.
Central YMA Kumpuan Sub-Comt hruaitute chuan Central YMA kumpuan hmalakna thlawp tak leh an hmalakna te hriatpuitu Minister an nei chu lawmawm an tih thu an sawi a. Ruihhlo dona kawnga an hmalaknaah kohhran, pawl, mi mal ang te a thilpek hlu tak tak petute chungah lawmthu sawiin, thahnemngai taka thlawpa tawngtaipui turin Mizo mipuite an sawm a ni.