Aizawl : February 26, 2024 zan dar 8:30-a an in atanga a chhuah hnua hmuhzui tak loh Lalropuia (39) s/o HK Zova, Kolasib Salem Veng, tuna Maubawk Veng, Aizawla khawsa mek chu thia hnuh a ni.
Lalropuia ruang hi Lawipui Veng, Tlawng road kawngthlang metre 100 velah chhun dar 12 rik hma deuh khan thia hmuh a ni.
Lalropuia hi ni sarih zawn a nih tak avangin a nawlpuia zawn chu Mizo dan angin March 4, 2024 tlaiah tihtawp a ni.
Maubawk khawtlangin mibo hi hun eng emaw chen an zawn hnuah ni March 2, 2024 atang khan Central YMA kaihhruaina hnuaiah zawn tan a ni. Aizawl khawpui chhunga branch YMA hrang hrangte a chhawkin mibo hi an zawng a ni.