Health & Family Welfare Department-in National Immunization Day pual- in nimin khan Zenghri umbo beihpui thlak an hawng a. Mizoram pumah naupang kum 5 hnuailam te hnenah Zeng hri danna pek tur niin, ni 3 chhung awh tur a ni.
National Immuni- zation Day hawnna Health & Wellness Sub-Centre, Tanhril-a neih chu State Immunization Officer Dr. Lalmuanawma Jongte-in kaihruaiin, Mission Director, National Health Mission Dr. Eric Zomawia’n he hun hi a hmanpui a. Vaccine (hridanna) pawimawh zia leh mi- hring in vaccine a hm- uchhuak chu thil hmu- hchhuah zawng zawngah mihring nun na chhan hnem bertu a n- ih thu sawiin, a hmu- chhuaktu Edward Jenner a nih thu a sawi.
Hri danna chuan natna chi hrang hrang lakah mihring nunna a lo chhan tawh tih sawiin, Zawnghri natna phei chu khawvel atanga umbo a lo nih tawh thu Dr. Eric Zomawia chuan a sawi a. India ram pawh March ni 14, 2014 khan Zenghri natna awm tawhlohna ramah puan a nih tawh thu a sawi.
Dr. Eric Zomawia chuan “Polio free kan ni tawh chung hian kan thenawm ramah te he natna hi a la awm avangin he hridanna hi kan ram chhungah pek chhunzawm zel a tul” a ti bawk.
Zeng hri danna pek beihpui hawnnaah hian Health Department thawktute bakah Tanhril khawtlang hruaitute leh mipuite an tel a. Naupang kum 5 hnuailam hnenah zenghri danna (Oral Polio Vaccine) pek tan nghal a ni.
National Immunization Day hi Mizoram hmun hrang hrangah nimin atang khan kalpui tan a ni a, tuntumah hian naupang kum 5 hnuailam 1,08,702 vel pek tura ruahmanna niin, niminah vaccine pekna hmun bik IPPI booth 1400 chuang siam a ni a. Health Department chuan kum 5 hnuailam naupang zawng zawng te zenghri danna (OPV) hi lak tir vek turin nu leh pa leh mipui zawng zawngte a ngena ni.