Aizawl : September 2016-a leiminin an in a hnawl avanga a chhungte zawng zawng chantu, kum 11 mi, Laldingpuia, Tlungvel Gate Veng puala PUMP (People United in Music with a Purpose)-in Dec 19 leh 31, 2016-a Millennium centre tual-a charity show an buatsaiha mipui sum thawh tlingkh- awm Rs. 2,22,000, Laldingpuia’n kum a tlin huna a kuta hlan tura bank-a dah chu, nimin khan PU- MP hruaitu ten a pung nen Rs. 3,48,633 chu Laldingpuia kut-ah an hlan.
Laldingpuia puala mit- hahnemngai te sum thawh Rs. 2,22,000 chu Tlung- vel VC leh YMA te hriatpuiin, Jan 13, 2017 khan Jan ni 13, 2024 thleng atan Bank-ah dah a ni a. Bank-a dah hun chhung a kim tak avang leh Laldingpuia pawh kum tling a nih tak avangin PUMP hruaitu ten an ruahman lawk angin nimin khan sum te chu a dawngtu tur Laldingpuia kutah PUMP leh sum thawhtu mipui aiawhin PUMP Chairman Pu David Z. Hmar chuan a hlan ta a ni.