Aizawl : Vaivakawn, Aizawl-a Zasangi in chu nimin zing lam khan bungraw chuh hman lohin a kang ral.
In kang hi PC Lianzikate’n bungraw dahna atana an luah, Assam type chhawng hnih a ni.
Thudawn danin, in hi zing dar 4:33 ah a kan thu Fire department-in biak hlatna hmanga hriattir an nih veleh an che chhuak nghal a, tui trip khat hmangin zing dar 5:30 velah thelh mih theih a ni. Bungrua erawh chuh hman a ni lo.
Kangmei chhuahna bulah hian high school-a awm a, HSLC exam lai a nih vanga school-a camp mek zirlaite chuan kangmei chhuak hi an hre hmasa ber a. In a kang tih an hriat veleh zirlaite hian theihtawp chhuaha in kang hi an thelh nghal avangin in dang kang kai nasa tur ven theih a ni. A bul chiaha in pakhat kawngkapui, ventilation leh khum pakhat erawh a kang chhe hman.