An khualbuka zanriah eite hnena ka tihrimtui (mouth freshner) atana vur ro (dry ice) an eitir hnua harsatna an tawh zui avangin India-a police-te chuan manager an man.
A eitute hi chini leh thil thak an ei hnuah panga chu an luak a, an ka a thi zui a. Zanriah ei khama an thil ei hi dan pangngaia ei fo thin a ni thung.
Police chuan dry ice packet-ah hian a tihdaih nana hman atan carbon dioxide chi khat hman a ni tih an sawi.
Heng mi pangate hi an zavaiin damdawi inah dah luh an ni.
Thawhlehni khan Gurugram khawpuia police chuan manager hi mi dangte tina tura ei tura tûr pawlha puhin an man a ni.
Khualbuk neitu tak erawh a chin hriat a ni rih lo va, zawn mek a ni.
Police chuan Indinni tlai khan Ankit Kumar-a chuan Greater Noida chhunga awm khualbukah hian a nupui leh an thiante a hruai niin an sawi.
Zanriah an ei zawhah hian waiter chuan mouth freshener hi a pe a. An han ei chuan an ka a sa nghal huam huam a, a thi a, an luak zui ta mai niin police chuan an sawi a ni.
Social media-a video tihdarhah chuan an na ti pawh an te nasa hle a, thenkhat chuan an kaah a sa tihdaih nan vur an hnawh a, tui an hmuam bawrh bawrh bawk tih a lang thei.
Complaint an thehluhah chuan thawktute hian puih leh bawihsawm pawh an tum miah lo niin an sawi tel.
Doctor-in a hnua h mouth freshener hi a endik nghal a, dry ice a tel ngei tih a hmu tih police chuan an sawi.
He thil hi an chhui zui nghal mek a, police chuan forensic thiamte pawh ruaiin mouth freshener siam nana an hmante hi an endik zui mek zel tih an sawi.