Liverpool neitute chuan Pathianni khan Michael Edwards an hmu a, an club sporting director hlui chu Anfield-a Jurgen Klopp hnuhma tha hnutchhiah zui turin an sawm a, a rilru hmin an tum. (Guardian)
Arsenal manager Mikel Arteta chuan goal hmaa an chet danin mit a la hle a tih a sawi a, hei vang hian bazar tura ruahmanna an siam thlak danglam an tum chuang loh thu a sawi bawk. Gunnes hian nipui bazar inhawn hunah striker thar an lak ngei an rinawm reng thung. (ESPN)
Arsenal left-back Oleksandr Zinchenko chu Newcastle United leh Bayern Munich ten lak an tum a. Gunners chuan kum 27 mi Ukraine international hi 38.5m euros (£32.9m) talin hralh an duh. (Football Transfers)
Chelsea chu Premier League atanga 50m euro (£42.7m) senga lakchhuah theih tur Athletic Bilbao leh Spain striker Nico Williams lak tum zingah an tel. (Fabrizio Romano)
Barcelona chuan Chelsea atanga an hawh mek Joao Cancelo chu hawh chhunzawm an duh a. Premier League leh Saudi Pro-League atanga ngaihventu nei Cancelo hi Manchester City chuan a ngheta hralhchhuah law law an duh thung. (Sport – in Spanish)
Manchester United thuneitute chuan Getafe-ah loan a khel mek Mason Greenwood chu an hnena a kir leh hunah pawh USA a pre-season training an neih dawn hunah kal ve lo turin an dan a rinawm. (Star)
Greenwood hi Barcelona in nipui bazar inhawn huna an lak theih tur zingah a tel. Catalan club hian nipui bazarah hian man tlawm zawka contract ziah tumin hma an la tawh a ni. (Sport – in Spanish)
Chelsea hian nipui bazar inhawn hunah an player hralhna atangin sum tuak an tum dawn a. Hralh an tum zingah England midfielder Conor Gallagher, English defender Trevoh Chalobah leh Albania striker Armando Broja te an tel ngei tura ngaih a ni. (Teamtalk)
Chelsea chuan nipui bazar inhawn hunah a winger thar lak ngei an tum dawn a, Leeds United winger Crysencio Summerville chu an lak an tum langsar ber pakhat a ni. (Teamtalk)
Manchester United chuan season kal meka khel tha tak English midfielder Kobbie Mainoo chu contract thar ziahpui tumin an dawr. (Manchester Evening News)