Aizawl : Lok Sabha inthlanpui lo awm tur atana inbuatsaihna kal mekah Ser- chhip District Election Officer, Bawrhsap ni bawk Da- vid Lalthantluanga’n nimin khan Vanchengte, Sialhau, Thentlang, Rullam, Lungpho leh Ngentiang-a polling station te tlawhin a enfiah a. BLO te pawh kawmin, mamawh an neih te leh an hmalakna te a sawipui.
Inthlan hlawhtling taka neih a nih theihna tura Polling Station te inpuah- chahna hrang hrang te chu DEO hova chipchiar taka en ho a nih thu sawrkar thuchhuah chuan a tarlang a. Election Commission of India (ECI) in Polling Station tina awm ngei tura a tih te – a panna kawng mumal tak, kawlphetha leh tui thianghlim in tur hnianghnar, mipa leh hmeichhe inthiarna (toilet), ramp, furniture mamawh te, mobile connectivity leh telephone (landline) te a awm ngei em tih te leh venhimna chungchanga ruahmanna awmte (security arrangement) enfiah a ni.
DEO chuan Lok Sabha inthlanpui hmachhawn tura inpuahchah kawngah kum upa te, rualbanlo wheelchair hman ngai te tana awlsamna siamsak chu ngaihpawim- awh a tul thu a sawi a. Mi- pui mimir tan pawh vote thlak tura rei tak intlar ngai lo tur leh hahdam zawka vote thlak theih dan tur ruahman turin BLO te a hriattir.
Hmaih palh awm lo tura uluk leh felfai taka inbuatsaih tura chahin, mamawh an neih leh harsatna an neih chuan district thuneitute hnena thlen turin a hrilh a ni.