Haryana Chief Minister Manohar Lal Khattar chuan nimin khan Panipat khawpuiah roadshow neiin BJP tan Lok Sabha inthlanpui lo awm turah an state-a campaign a tan.
Km 5 lai kawng zawha road show a neih hi ‘Connect to people’ campaign tiin a hming an vuah a, Shiv Chowk atanga bul tanin hmun 20 vel zetah a ding a, Ram Lal Chowk-ah vantlang inkhawm buatsaihin thu a sawi.
Campaign tannaah hian cabinet minister Krishan Panwar leh MLA Mahipal Dhanda, Rohita Rewri bakah BJP hruaitu dangten an tawiawm.
Chief Minister Khattar chuan Ram Lal Chowk-a thu a sawinaah, “Vawiin road show-a hetiang zat mipui pungkhawm hian BJP chu Lok Sabha leh assembly inthlan lo awm turah hnehna a chang leh dawn tih a tilang,” tiin a sawi.
Khattar chuan, “Lok Sabha inthlan atana inelna chu a intan a, BJP candidate-te hian he state-a bial 10-ah hnehna an chang vek dawn tih ka chiang a ni,” a ti.
Chanchinbumite nen rei lo te an kawmnaah assembly inthlan lo awm turah Karnal biala a din leh a tum thu a sawi a, an party hruaitute thu erawh a nih zawk thu a sawi.