Aizawl : Lok Sabha inthlanpui lo awm tur atana Expenditure Observer Arvind Sharma leh Police Observer K. Satyanarayana ten nimin khan Kolasib tlawhin, inthlan kalpui tura inpuahchahna hrang hrang an endik a. DC Conference Hall-ah Nodal Officer, Asst. Expenditure Observer, Video Viewing Team, Video Surveillance Team, Flying Squad-te nen an inkawm bawk.
Expenditure Observer Arvind Sharma chuan Mizoram chu state ralmuang tak a nih angin inthlanna felfai leh thianghlim kalpui a nih ngei a beisei thu a sawi a. Chutih rual chuan Lok Sabha inthlanpui lo awm tura Election Commission of India-in inkaihhruaina a duan te chu uluk taka chhiar tur leh mawhphurhna hrang hrang awm te chu tha tak a hlenchhuak turin kalk- hawmte chu a chah.
Candidate ten intluktlang taka vote an zawn theih nan ECI-in pawisa hman theih zat a bituk thu pawh sawiin, Assistant Expenditure Observer leh team hrang hrang te chuan inthlan hma chu campaign-na te uluk taka an vil a tul thu a sawi a. Rinawmna nen dik leh huaisen taka hna thawk turin a chah bawk.
Police Observer K. Satyanarayana pawhin in- thlan kalpui chhunga har- satna awm thei zawng zawng uluk taka zirchiang tur leh harsatna awm thei te chinfel zung zung a nih theihna tura ruahmanna felfai tak siam theuh turin team hrang hrang te chu a chah a. Inbiakpawhna leh inkalpawh na chungcha- nga harsat na awm thei te, ruih theih thil che vel thlithlai leh silai leh puak thei thil khuahkhirhna dan te an sawiho bawk a ni.