Aizawl: March 26, 2024 khan V Lalhmingthangi (52) w/o Zothanmawia, Tuikual South, Aizawl, a dawra thattua puh Irene Lallawmzuali (34), Ramthar North, Aizawl chu Chief Judicial Magistrate’s (CJM) court-ah a chungthu ngaihtuah a ni a. Tuikual South khawtlang mipui chu an veng nu thlavang hauh nan leh tualthattu chuan a phu tawk hremna hmu ngei se an duh tih lantir nan an pungkhawm.
He hunah hian Tuikual South leh veng mipui thahnem tak an pungkhawm a, V Lalhmingthangi an ui thu leh tualthattua puh Irene Lallawmzuali chuan a phu tawk hremna hmu ngei se an duhthu ziahna an keng a; buaina chhuak loin an tin a ni.
Irene Lallawmzuali chungthu hi court hian a la ngaihtuah chhunzawm zel dawn.
Tar lan tawh angin, V Lalhmingthangi thih thu hi March 17 chawhma dar 10 velah hriat a ni a, hemi ni vek hian tualthattu ni ngeia hriat hi police-in an man.