Ni 3 awh tur 18th Mizoram Open Taekwondo Championship chu April ni 2, 2024 Thawhlehni khan SAI, State Training Centre, Mission Vengthlangah tan a ni a. Pu Lianhmingthanga, Regional Director, SAI Imphal Region-in a hawng.
Hawnna inkhawm hi Pu R.Lalrinmawia, Vice President MATA in kaihruai a, MATA General Secretary Master Joseph Thansangan Championship report pein MATA President Prof.Rualkhuma Colney in thu a sawi, Pu F.Lalhmingliana Treasurer in lawmthu a sawi bawk.
He Championship-ah hian Category hrang hrang awmin, kum 8 hnuai lam Pewe te, kum 12 hnuai lam Sub-Junior te, kum 15 hnuai lam Cadet te, kum 18 hnuailam Junior leh Senior ah te then a ni a. Poomsae leh Kyorugi hmangin category hrang hrangah ni 3 chhung hi an inel ang. Mimal lawmman hrang hrangte leh Team lawmman 5na thlenga pek an ni dawn bawk a ni.
Mizoram Open vawi 18na Khel tur hian Mizoram District hrang hrang Siaha, Lawngtlai, Lunglei, Mamit, Khawzawl, Kolasib leh Aizawl Club atangin Taekwondo zirlai 500 chuang an rawn tel a. An zinga 212 te chu hmeichhia an ni. Player zingah Zoruatmawii, Kum 3 mi, Khawzawl khua cbu player inziaklut zinga naupang ber a ni.
He championship medal la te atang hian National Championship hrang hranga Mizoram aiawh tur an thlang nghal dawn bawk ang