Newcastle United chuan Premier League financial rules an bawhchhiat loh nan loh theih loha Brazil midfielder Bruno Guimaraes hralh an ngaih mai an hlau ru hle. Kum 26 mi Guimaraes lak tuma intlansiaknaah French club lian Paris St-Germain in hma an hruai a. EPL club lian Manchester United leh Arsenal te pawhin lak an duh ve bawk. (Sun)
Newcastle hian nipui bazar inhawn hunah an player pawimawh an hralhchhuah ngei a ngaih hmel a. Arsenal in lak an tum Sweden striker Alexander Isak chu Tottenham in an ngaihven thar ve leh. (Football Insider)
Premier League club lian dang ten an ngaihven tih hre bawk mah se Isak hian Newcastle United-ah cham chhunzawm a tum zawk thung. (inews)
Hliam vanga an defender pahnih Dutchman Sven Botman leh Englishman Jamaal Lascelles te hliam vanga an ch^n mek vangin Newcastle chuan nipui bazar inhawn hunah central defender pahnih lak an tum. (Football Insider)
Middlesbrough leh Senegalese goalkeeper Seny Dieng chu championship lama a chetthat vangin Premier League club ten an hmutai a. Hmutaitu zingah hian Newcastle leh Crystal Palace te an tel. (Telegraph – subscription required)
Manchester United in sawm in, Arsenal leh Juventus ten ngaihven bawk mah se, Bologna striker Joshua Zirkzee chuan AC Milan pan a duh. (Gazzetta dello Sport – in Italian)
Arsenal chuan Liverpool leh Manchester City ten lak an tum Bayern Munich leh Germany midfielder Joshua Kimmich chuhpui an tum a. Kum 29 mi hian Bayern-ah kum khat daih chiah contract a nei tawh. (Talksport)
Sweden forward Viktor Gyokeres chu Arsenal in striker lak an tum zingah a langsar viau rih a. Mah se, Sporting Lisbon chuan Gyokeres lak nan 100m euros (£85.6m) dawn ngei an inbeisei ve tlat thung. (Caught Offside)
Manchester City chhuahsan a, Leeds United-ah kir leh a duh a nih chuan England midfielder Kalvin Phillips chuan a hlawh tihhniam duai a ngai dawn. (Mirror)
Manchester United chuan Nice defender Melvin Bard lak chungchanga an sawi ho tan tawh. Bard hi a khelh that vangin France awiawh tura ko turin nawrna a tam sawt hle. (Evening Standard)
Wolves centre-back Max Kilman chu Manchester United in nipui bazar inhawn huna lak an tum zual zingah a tel bawk. (Times – subscription required)
Leicester City chu Arsenal striker Eddie Nketiah lak tuma intlansiak zingah a tel a, Crystal Palace leh Brentford ten an chuhpui ngei hmel thung. (Football Transfers)
Arsenal, Liverpool leh Manchester United te chu Premier League club atanga Bayer Leverkusen wing-back Jeremie Frimpong ngaihven zingah an tel. Kum 23 mi hi nipui bazar inhawn hunah £35m sengin a lak theih ang. (Football Insider)
Newcastle chuan Real Madrid midfielder Dani Ceballos an ngaihven. (Mundo Deportivo – in Spanish)
Nottingham Forest chuan loan-a an hawh mek Nigeria defender Ola Aina chu an hnena a khelh that vangin a ngheta lak zui an tum. (Telegraph – subscription required)
Liverpool leh Juventus in an ngaihven tih hre mah se Atalanta director Luca Percassi chuan tute hnen atang mahin Netherlands midfielder Teun Koopmeiners dawrna an la dawn loh thu a sawi. (Mediaset via Football Italia)
Sevilla chuan Chelsea striker David Datro Fofana, Burnley-ah loan a khel mek chu an ngaihven chhunzawm zel. Sevilla hian nipui bazar inhawn hunah Morocco forward Youssef En-Nesyri hralh an tum a, a hmunruak luahtu atan Fofana hi an duh. (Relevo – in Spanish)