Zo Re-Unification Organisation (ZORO) chuan ZORO Pisapui Treasury Square-ah Executive committee meeting an nei a, meeting hi R. Sangkawia President in a kaihruaiin, meeting-ah hian India Sorkar in India leh Burma border hung (fencing) a tum chungchang leh Free Movement Regime (FMR) thiah a tum chungchang an sawiho.
Meeting chuan India Sorkar in India leh Burma border hung (fencing) a tum leh Free Movement Regime (FMR) thiah a tum chu unau thlahkhat min then hran a tumna leh Zofate min nekchep a tumna niah kan ngai a, tha lo a tiin, a duh lo hle a. India leh Burma ramri hung (fencing) tum a duh loh zia lan tir nan leh Free Movement Rigime thiah tum a duh loh zia lantir nan Burma border-ah ni 16, May 2024 hian peaceful rally neih tum a ni. ZORO in peaceful rally a neih turah hian Mizoram mipui leh Burma ram chhunga Zofate a tam thei ang ber tel turin a sawm nghal a ni, tiin an thuchhuahah an tarlang.