- Ruata
Tun thla tawpah hian Mahindra chuan SUV thar, Mahindra XUV 3XO tlangzarh an tum a, hei hi XUV 300 chhuak thar tur ni a ngaih a ni.
Mahindra XUV 300 hi Mahindra sub 4 meter SUV changkang leh hralh kal tak niin tunah hian a thar tihchhuah a ni dawn a. A hming ngai pu loin XUV 3XO tiin an rawn tichhuak dawn ta a. Mahindra factory, Nashik, Maharashtra-ah siam a ni.
He SUV lo chhuak turah hian hmel thar kan hmu dawn a. A hma bawrah Mahindra BE electric SUV design a rawn pawl viau a, XUV 300 nihna hloh si loin mawi takin a grille, light leh bumper te an rawn her danglam a ni.
A hnung lamah pawh hmel thar kan hmu a. C shaped design mawi tak kan hmu a, LED bar mawi takin a in kham bawk a ni.
Sub 4 meter SUV huanga a vawikhat nan Mahindra XUV 3XO-ah hian panoramic sunroof kan hmu dawn a. A khawl lamah chuan khawl ngai, 1.2 litre turbo petrol 1.2L direct injection turbocharged (TGDI) petrol leh 1.5L diesel khawl te duhthlan tur a awm ang a. Hemi rual hian khawl thar 1.2 litre TGDI motor, Aisin 6 speed automatic gearbox nena thlunzawm kan hmu dawn bawk a ni.
Mahindra atangin reiloteah SUV mawi leh changkang tak an neih mek tuaithar kan hmu leh dawn a ni a. A nihphung tur leh kentel tur hrang hrang chu tun aia kimchang, dik leh fiah zawkin kan hre chho thuai tawh dawn a, company lam thuchhuak ngaihchan rih a ngai dawn a ni.
He huanga lirthei siam ve tu company dangte tan pawh huphurh rilruk tak tur, market lama nasa taka rawn che tha thei tura tha leh mawi a ni dawn a. A nghahhlelhawm hle bawk a ni.