AZL: Thawhlehni khan Excise & Narcotics Department chuan Khuangleng dai, Leisekawt, Champhai District-ah heroin gram 810.100 (Hawng 61) leh a neitu nia puh – Hrangherkapa (62), Khawthlir, Myanmar-a khawsa nia inchhal chu an man.
Heroin vanga man, Hrangherkapa hi The Narcotic Drugs & Psychotropic Substances Act, 1985 tlawhchhanin thubuai siamsak a ni. Nilaini khan Judge, Special Court (NDPS Act), Champhai Judicial District-ah hruai a ni.
He thubuaiah hian thiam loh chantir a nih chuan kum 10 atanga kum 20 thleng jail tan leh pawisa Rs 1,00,000 atanga Rs 2,00,000 thleng chawi bawk tura hrem theih a ni ang.