Aizawl : Pawikhawihna thleng avanga mi kutpalh tuarte, pawngsual tawkte, ramtuileiloa awm te leh thihna hial tawhte tana zangnadawmna ‘The Mizoram Victims of Crime Compensation Scheme, 2021 (Amendment) chu nimin khan mi 22 te hnenah sem chhuah a ni.
Zangnadawmna sem chhuahna hun hu District Legal Sevices Authority, Aizawl (DLSA) buatsaihin District Court Conference Hall, District Court building-ah neih niin, Lalrochami Ralte, Secretary, DLSA, Aizawl in a kaihruai a ni a. He huna khuallian Hon’ble Justice Michael Zothankhankhuma, High Court Judge leh Executive Chairman, Mizoram State Legal Services Authority in mi 22 te hnenah zangnadawmna Rs. 65,75,000 an sem chhuak a ni.
Zangadawmna hi engtik lai pawhin DLSA pisa-ah dilna theh luh theih a ni a, dilna te chu committee in ngaihtuahin, member te’n diltu zing atanga dawng thei tura ngaih te uluk taka an endik hnuah sem an ni thin a. He zangnadawmna dawng zinga naupang kum tling lo te chu an bank account-ah kum an tlin hun atana lak chhuah turin dahsak thin an ni bawk.