BJP Mizoram chuan Lok Sabha MP Election lo awm tur atana BJP Mizoram Election Manifesto tlangzarh tura Mizorama lo kal, Union Minister of External Affairs Dr S. Jaishankar-a’n Ningani khan Hotel Regency ah a tlangzarh.
Inkhawm hi Dr. K Beichhua, MLA State Election Management Chairman in a kaihruaia, State President, BJP (Lok Sabha) MP Official Candidate ni bawk Vanlalhmuaka’n thu a sawi bawk.
Union Minister hian BJP Mizoram MP Official Candidate Vanlalhmuaka chu Mizoram Lok Sabha MP atana lo thlang tling ngei tur leh Mizoram a hmasawnna tam tak lak luh a nih theihna turin thlang tling ngei turin Mizoram mipuite a sawm.
Manifesto a tlangzarh zawh veleh Jaishankar hian thu thar thehdarhtute a kawm nghal a. He mi hnu hian University Professor leh sawm bik te nen inkawmhona hun an nei leh a. He mi hnu hian, Mizoram Chief Minister Lalduhoma nen an inkawm leh bawk.
Jaishankar hian Aizawl Dawrpui pheia dawr hrang hrang a tlawh kual bakah, Governor chenna inah chawlin, Mualpui Helipad atangin Lengpui Charter Flight hmangin New Delhi a pan leh nghal a ni.