AZL: All India Congress Committee (AICC) General Secretary Lok Sabha MP inthlanpui lo awm tur chu India ramah mipui rorelna, democracy a bo mai loh nan leh chawi nun a nih zel theihna thawh a ngai tih a sawi.
Lok Sabha MP inthlanpui neih tura campaign-a zan khat riaka Mizorama lo zin, AICC General Secretary Jairam Ramesh chuan nimin khan Hotel Regency-ah thu thar thehdarhtute kawmin, tun tum Lok Sabha inthlanpui chu India ram democracy tan a pawimawh bik hle tih sawiin, “India ramah hian democracy hi a a bo mai loh nan leh chawinun a nih zel theih nan kan thawh a ngai a. BJP hian India mipuite thenhran nan UCC kalpui a tum a, Congress erawh chuan India ram inpumkhatna atan kan thawk a ni,” a ti.
Ramesh chuan, “India ram chu hnam hrang hrang, sakhaw hrang hrang awm khawm kan ni a, BJP hian One Nation, One Religion, One Language te hmangin tawng hrang hrang leh hnam hrang hrang te UCC hmanga tih bo a tum a ni,” a ti.