Manchester City chuan Bayern Munich leh Germany forward Jamal Musiala lak tuma intlansiaknaah hma an hruai. Musiala hi Liverpool, Barcelona leh Paris St-Germain te pawhin ngaihven ve bawk mah se City hian an hnaih ber rih. (Independent)
Brentford chuan nipui bazar inhawn hunah England striker Ivan Toney chu an hnen atangin a chhuah ngei an ring a. Bees in £50m an chhiar Toney hi EPL club atanga ngaihven zingah Manchester United pawh an tel. (HITC)
Manchester United neitu Sir Jim Ratcliffe chuan Newcastle United co-owner Amanda Staveley chu hmain sporting director Dan Ashworth chungchangah inremna neihpui ngei turin a dawr. (Times – subscription required)
Tunhaniah Germany forward Kai Havertz a khelh that vangin Arsenal chuan nipui bazar inhawn hunah an ruahmanna ngaihtuah that leh an tum a. Heti a nih tak vang hian Gunners hian Toney an lak loh hmel ta hle. (Mirror)
Manchester United chuan an defender Raphael Varane chu contract thar zawrh an tum tawh lova, kum 30 mi hian nipui bazar inhawn hunah Old Trafford a chhuahsan ngei tura ngaih a ni a. France defender hlui Varane hian season tawp rualin a contract neih mek a hmang zo ang. (Chris Wheeler, Mail)
Kum 20 mi Arsenal midfielder Charlie Patino chuan nipui bazar inhawn hunah ram dang club pan a tum. (Evening Standard)
Liverpool leh Sporting Lisbon te chu Ruben Amorim chungchangah a thu phungin inremna an nei tawh. (Football Insider)
Tottenham manager Ange Postecoglou chuan nipui bazar inhawn hunah centre-back thar pakhat tal lak a duh a. Bayer Leverkusen leh Ecuador international Piero Hincapie chu lak a duh zual zingah a tel. (Bild, via TeamTalk)
Manchester City chuan EPL-a an elpui lian Liverpool leh Arsenal te hmakhalhin kum 18 mi Gremio midfielder Gustavo Nunes lak ngei an tum. (Sun)
Napoli chuan Aston Villa atanga an hawh mek Belgium midfielder Leander Dendoncker chu a ngheta lak zui tumna an nei lo. (Calciomercato – in Italian)
Chelsea chuan nipui bazar inhawn hunah an squad thlak danglam chiam an tum a, chhuak tura ngaih zingah England midfielder Conor Gallagher pawh a tel a. An player neih sa hralhchhuak chiam in, player thar 11 vel lai lak thar an tum. (Sun)
Barcelona chuan Spain midfielder Pedri ngaihventu Paris St-Germain an hnar hnuin, Pedri hi contract thar zawrh thuai an tum. (Fabrizio Romano)
Sporting Lisbon leh Sweden forward Viktor Gyokeres chu nipui bazar inhawn hunah Arsenal in lak an tum ber a ni dawn a. Viktor Gyokeres lakchhuah theihna zat hi 100m-euro (£85.4m) zet a ni thung. (Football Transfers)
Manchester United leh Newcastle te chuan Juventus leh France midfielder Adrien Rabiot lak tumin an dawr niin report a ni. Rabiot hi free transfer in a lak theih ang. (Calciomercato via TeamTalk)