A vanglai ang a phak loh chuan LIVE-a zai a thei tawh dawn lo niin, Jon Bon Jovi-a’n a sawi a, fan te a barakhaih hle.
Kum 1980s chho atang tawha rimawi khawvela hriatlar rock legend hian vocal cords lamah harsatna namen lo a tawh vangin LIVE-a zai chu thih sual tak meuhin a harsa tawh, a ti.
The Sunday Times-in a kawmnah, “Ka zai hi a ho lam viau tawh a nih chuan emaw ka hun hmasa lam ka pha lo viau a nih chuan.. a zo a ni mai. Lawm tak a pawm mai loh chu tihtheih a awm lo,” tiin Jon Bon Jovi-a’n a sawi.
Thla hmasa khan ‘Livin’ On A Prayer’ singer hian 2022 kuma vocal cords an zai hnu-ah tour a nei leh thei dawn em, tih a chianna pakhatah a neih loh thu a lo sawi tawh nghe nghe.