#Zozam Times April 16: Aizawl SP Rahool Alwal-a’n Mizoram Police ten tunhnaiah hmun hrang hranga ruk ruknaa inhnamhnawih nia hriat mi pahnih an man tih sawiin, Aizawl Police Station bial chhunga rukruk leh in rawk thleng te an chhuinaah tun thla ni 11 khan Vohbik Malsawmdawngzela (23), Darlung khua, Zemabawk, Aizawla awm nia insawi chu an man thu a sawi a. MINECO chhehvela rukrukna thleng thin chhuinaah March ni 27, 2024 khan Malsawmdawngkima (33), Bungkawn Veng, Aizawl nia insawi chu an lo man tawh thu a sawi bawk.

Aizawl SP-in thuthar thehdarhtute a kawmnaa a sawi danin, Vohbik Malsawmdawngzela chu Police ten thu an zawhfiahna atangin hmun hrang hranga rukrukna thlengah te a inhnamhnawih tih hriat a ni a. Aizawl Police Station-a ruk ruk thubuai ziahluh pahnihah a inhnamhnawih ve ve a. Heng bakah hian Bawngkawn PS-a rukruk thubuai pathum leh Kulikawn PS-a rukruk thubuai 1-ah te a inhnamhnawih vek a. Heng thubuai hrang hranga Vobik Malsawmdawngzela’n pawisa fai a ruk zawng zawng belhkhawm chu Rs. ‭8,90,000‬ niin, a kut atangin Rs.15,000 hmuhlet a ni.

Police hotu ten an sawi danin Vohbik Malsawmdawngzela inhnamhnawihna te chu :

Aizawl PS huam chhungah :

1. Aizawl PS C/No. 119/24 Dt.10.04.2024 u/s 454/380 IPC chu Michael Lalmuankima Pachuau, Electric veng, Aizawl in rawk chungchangah register a ni a. He in rawkah hian Rs. 30,000/- bakah bike documents (smart card) B/R/No.MZ01 R-0217 te rukbo a ni. Vohbik Malsawmdawngzela hian he case-ah hian a inhnamhnawih ngei a ni tih a sawi a, a pawisa ruk atangin Rs.15000 chu a in atanga hmuhlet a ni.
2. Aizawl PS C/No. 128/24 Dt.13.04.2024 u/s 454/380 IPC Vohbik Malsawmdawngzela hian Tuikhuahtlanga in pakhatah lut ruin, Rs. 8000/- bakah branded pheikhawk pair 2, Rs. 18,995/- man hu a ru tih a sawi a. A pawisa ruk hi Damdawi (No.4) lei nan a hmang a, a pheikhawk ruk te chu an in atanga hmuhlet a ni.

Bawngbawn PS huam chhungah :

1. Bawngkawn PS C/No.102/24 Dt.28.03.2024 u/s 454/380 IPC chu Melody Runremsangi, Bawngkawn Upper venglai in rawk chungchangah register a ni a. He in rawkah hian Rs. 6000/-, rangkachak thi pakhat leh bengbeh panga Rs. 53,000/- man hu rukbo a ni a. Vohbik Malsawmdawngzela hian he in hi chhunah a rawk a, a thil ruk atang hian rangkachak thi pakat leh bengbeh panga hmuhlet a ni.
2. Bawngkawn PS C/No.722/24 Dt.26.11.2023 u/s 454/380 IPC hi Zemabawk Middle School venga in pakhat rawk chungchanga register a ni a. He in atang hian Rs. 5,00,000/ rukbo a ni a, Vohbik Malsawmdawngzela hian he pawisa a ruk atang hian bike Yamaha FZ a lo lei hman a. A bike hi FB online Buy and sell group-ah lo hralh hmanin, hmulet tura hmalak mek a ni.
3. Bawngkawn PS C/No.1/24 Dt.1.01.2024 u/s 457/380 IPC hi K. Lalnunthara of Falkland in rawk chungchanga register a ni a. He in rawknaah hian Rs. 3,40,000/- rukbo a ni a, Vohbik Malsawmdawngzela hian he in rawk hi ama tih ngei a ni tih a sawi a. A pawisa ruk hi damdawi (No.4) lei nan leh hmeichhe kawp nan a hmang ral niin a sawi.

Vohbik Malsawmdawngzela hian April, 2024 khan Falkland road, Chite-ah in pakhat rawk in Rs. 5000/- a lak thu pawh a puang a. March, 2024 khan Laipuitlanga in pakhatah rawk tuma a luh thu a sawi bawk a. Bawngkawn PS-in he thil thleng chungchang hi an bawhzui mek.

Kulikawn PS huam chhungah :

1. Kulikawn PS C/No.27/24 Dt.18.03.2024 u/s 454/380 IPC hi LR Hmangaihzuala, Thakthing Veng te in rawk thubuai niin, Rs. 1000/-, chemte Rs. 1500/- man leh Cigarette Rs. 1000/- man ruk a ni a. Vohbik Malsawmdawngzela hian he in rawk hi ama tih ngei a ni tih a sawi tawh bawk.

Vohbik Malsawmdawngzela inpuanna atangin Foreign pawisa note leh India pawisa thir engemawzat an in-a a chheprelh chu hmuhchhuah a ni a, heng pawisa hi Kulikawn leh Laipuitlang-a in a rawk atanga a lak niin a sawi. Hemi chungchangah hian PS-ah te report thehluh a awm hriat a ni lova, a hmunhma enfiah tura hmalak mek a ni.

Malsawmdawngkima inhnamhnawihna te chu :
MINECO, Khatla chhehvela zan lama in rawk hrang hrang thlengte hriatchhuah tuma hmalak a nih hnuah, Malsawmdawngkima (33), Bungkawn Veng, Aizawl chu ni 27.03.2024 khan rinhlelh man a ni a. Thu zawhfiah a nih hnuah MINECO Khatla chhehvela zan lama in rawk chungchanga case 4-a a inrawlh dan hriat chhuah a ni.

1. Aizawl PS C/No.443/23 Dt.17.6.23 u/s 457/380 IPC hi Madhup Vyas, State Chief Election Officer, MINECO ami quarters, misual tu tih hriatlohin Firefox bicycle cheng Rs. 30,000/ man ruk chungchanga case register a ni a. He thubuai chungchang hi theihtawp chhuaha chhui a nih hnuah pawh thil tisualtu hriat theihna tur engmah hmuh tur a awm loh avangin, FR Vide FR No 34/24 Dt 23/2/24-ah thubuai thawn kir leh a ni a. Man a nih hnuah Malsawmdawngkima chuan a sawi danin, quarters chhunga Verandah chhungah gate kaltlangin zingkar dar 5 (date dik tak hriat loh)-ah thirsakawr pakhat a ru a, mi pakhat hmelhriat loh hnenah Khatla, Aizawl-ah hemi tuk vek hian Rs 1800/-in a hralh a ni.

He case hi tihnun leh niin, chargesheet thehluh a ni.

2. Aizawl PS C/No.04/24 Dt.01.01.24 u/s 454/457/380 IPC hi Prasana Acharya, Addl. Secy., Education Department, MINECO-quarters-ah misual tu tih hriatloh lutin Tool Box Rs. 2,000/- man hu ruk avanga register a ni a. Malsawmdawngkima chuan, zing dar 6 (date a hriat loh) khan quarters chhungah a lut tih a sawi.
3. AZL-PS C/No.31/24 Dt.05.02.2024 u/s 454/457/380 IPC hi B. Lallawmengi, Khatla South Shop No.1, SP Aizawl official quarters bula awm chu ni 03.02.2024 atanga 4.2.2024 inkar khan misual tu tih hriatlohin ei tur chi hrang hrang, cigarette leh cooking oil etc., Rs. 10,260 man ruk a ni a. Malsawmdawngkima hian zing lam (a ni chiah hriat loh)-ah dawr chhungah a lut tih a sawi a, grocery items cigarette leh cooking oil etc. te a ru tih a sawi.
4. AZL-PS C/No.91/24 Dt.19.03.2024 u/s 457/380 IPC hi B. Lallawmengi ei tur dawr Shop No.1, SP Aizawl official quarters bula mi chu 18.03.2024 zan khan misual tu tih hriatlohin an rawk nawn leh a. Ei tur chi hrang hrang, Cigarette, Cooking Oil, Milk etc. Rs. 6,615/- man hu ruk a ni. Malsawmdawngkima bawk hian dawr chhungah a lut tih a sawi a, a thil rukte chu mi pakhat (hmelhriat loh) hnenah a hralh niin a sawi bawk.