Nimin khan ZPM MP(LS) Candidate Richard Vanlalhmangaiha chuan Social Media hmanga puh hmingchhiat a nih chungchangah Judicial Magistrate First Class-III, Aizawl hnenah Criminal Complaint a thehlut a, ZPM General Headquarters Legal Department, Media Department te leh Thalai Headquarter hruaitu thenkhat ten an tel pui.
Tunhnai khan Richard Vanlalhmangaiha ZPM MP(LS) Candidate chu kum 2012, MAMCO Assistant Manager hna a thawh laia Contractor mi pariat leh mimal thenkhat hnena contract hna hmuhsak tiama nuai 268 lai laksaka bumtute zingah tel nia puh a ni a. He thu hi social media ah nasa taka vawrh darh a ni. Amaherawhchu, Richard Vanlalhmangaiha hian heng an puhna hi thu belhchiandawl lo leh Politics-a intih hmingchhiat tumna mai a ni tiin Judicial Magistrate First Class-III, Aizawl hnenah Criminal Complaint hi a thehlut ta a ni.
Richarda chuan, Officer-in-charge, Aizawl Police Station leh Cyber Crime Police Station te chu Criminal Complaint-a accused mi pathumte heng – David Sail (Facebooker), Lalrammuanpuii Izu (Tuesday Nightmare Youtube Channel) Permanent residence of Mamit leh Tlanghmingthanga S/o ML Thanga (L) Mission Vengthlang te chungchangah hian investigation kalpui a, warrant of Arrest tichhuak tur leh Section 500, 419, 505 leh 34 IPC, R/W 66D IT hmanga hremna pe turin dil a ni.