Aizawl : Nimin chawhma khan Kolasib district-a Lok Sabha Inthlanna kalpui tur a mipuiin Vote thlak an ngaih pawimawh theih nan Systemic Voters Education & Electoral Participation (SVEEP) kaltlangin Two Wheeler Rally buatsaih a ni a. John LT Sanga, Deputy Commissioner chuan hun kaihruaiin Kolasib khaw chhung a sawrkar pisa hrang hrang a thawktute kawngzawh tur hian an tel a, Diakkawnah vote thlak tur a thu tiam lakna hun neih a ni.
John LT Sanga, Deputy Commissioner chuan mipui rorelna tichiang tur leh tichak tur hian vote nei tawh phawt chuan kan vote hmangin kan duhthlanna kan lan chhuah tir a pawimawh thu sawiin rilru leh ngaihtuahna fim tak nen kan aiawh tur thlan chhuahna ah hian kan vote hmangin kan duhthlanna hmang chhuak theuh turin kalkhawm te a chah.