Lok Sabha inthlanpui 2024 a Mizoram Parliamentary Constituency atana Returning Officer Nazuk Kumar, DEO Aizawl ni bawk chuan Electoral Roll a hming chuang apiang chu Mizoram aiawh a Lok Sabha a thu tur thlang theuh turin Mizoram mipui a sawm.
Nazuk Kumar chuan state aiawh Lok Sabha rorelna a ding tur thlan hi mawhphurhna pawimawh tak a nih thu a sawi a. Vawiina vote thlak thei dinhmun a kan din theih nan hian kan thlahtute, kan ram hruaitu hmasa te’n harsatna tam tak hmachhawn in an lo bei tawh tih hriain, vote thlak theih hi a hlut thu a sawi a. Thalai zawkte pawh vote thlak ngei tura sawmin, ram tan an pawimawh zia leh an vote a hut thu DEO chuan a sawi.
April ni 19, 2024 chawhma zing 7 atanga tlai dar 5 thleng vote hi thlak theih a ni ang.