NBA a team lian pakhat Toronto Raptors player Jontay Porter chuan sum thap chungchangah thiam loh a chang a, NBA khel leh thei tawh ngai lo turin hrem a ni.
Kum 24 mi Jontay Porter hi sum inthapah inhnamhnawiha puh a ni a, a thubuai chhui a nih vangin March 22 atang khan Toronto Raptors tan a inlan leh tawh lo. Rinlawk ang ngeiin thiam loh chantir a ni a, sum thap nan hian a thiante online account a hmansak tih thlengin hriatchhuah a ni. A sum thap zat hrang hrang haichhuah a ni bawk.
An puhnaah thiam loh chantir a nih tak vangin Porter chungah hremna na tak lek kawh nghal a ni a, dam chhunga NBA khel leh thei tawh ngai lo turin hrem a ni.