Tun hnai kum eng emaw zat chhung chu khawvela thlawhna tumhmun tha ber, world’s best airport nihna hi pahnihah inpawhna nasa tak a awm thin a. Kuminah chuan Doha-a Hamad International-in changin Singapore Changi a khum ve ta.
Kuminah hian vawi 12 zet tha ber nihna lo hauh tawh, Singapore thlawhna tumhmun hi Middle East-a a elpui hian khumin Skytrax World Airport Awards 2024 a dawng ta a ni.
Tumhmun thaah hian Asia an langsar hle a, Seoul Incheon chuan pathumna dinhmun a hauh phak bakah 2024’s most family friendly airport atan thlan a ni a. Tokyo-a Haneda leh Narita chu palina leh pangana a ni.
Hong Kong tumhmun chu 22-na atangin 11-naah a kai dawrh bawk.