Kuminah vawk pul hri African Swine Fever (ASF) vangin vawk a thi leh nual a, hri avang leh hri kai nia rinhlelhawm avanga tihhlum nen vawk 174 an thih phah leh tawh.
AH&Verty deparment hotute’n an sawi danin, kumin January atanga April ni 22 thlenga ASF vanga vawk thi chu 174 tling tawhin, hri kai nia rinhlelhawm avangin vawk 68 tihhlum a ni tawh bawk a. Tun dinhmunah Saitual leh Aizawl chhung Salem Veng leh Kulikawnah te ASF hri hi a leng mek a, heng khua leh vengte hi khuahkhirhna hnuaiah dah niin, infected Area-ah puan an ni.
Khawzawl District chhunga Dulte khuaa vawk vulh ah ASF hri hmuh a ni bawk a. Thudawn danin Nialaini khan he khuaah hian vawk 5 a thi a,Vety department chuan enfiah nghalin, Dulte khuaa vawk la dam te chu sample la in ASF an vei tih hmuhchhuah a ni.
Veterinary Officer Dr. Lalbiakzuala Sailo chuan Dulte a vawk an endikte chuan ASF an kai tih hmuhchhuah ni tawh mahse PCR Test a Confirm ala nih loh avangin hripui lenna hmunah Dulte khua hi puan theih ala ni lo tih a sawi a. ASF hi inkaichhawn awlsam tak a nih avangin Khawzawl District mipuite chu khawdang atanga Vawk leh Vawksa lak chungchangah fimkhur turin a chah a ni.
Thu dawn danin Dulte khuaa Vawk thi te hi chhungkaw pakhat ta vek niin kar kalta Nilaini atang khan Vawk pa pakhat, Vawkpui 5, Vawk railai 3, Vawk talh rual pakhat leh Vawk note pakhat a thi tawh a ni.
Vawk pul hri ASF hi kum 2021 atang khan Lunglei district chhung Lungsen khua atangin hmuh chhuah a ni a, hemi kum hian vawk sing tel hri avangin an thi a, he hri leng hian ziaawm chang nei mah se kum tin hri avanga vawk thi hi thahnem tak an awm ziah.
Nikum 2023 may atanga April ni 22 inkar chhung pawhin ASF vangin Mizoramah vawk 1213 a thi a, hri darh zel tur dan nan vawk 1009 chu tih hlum a ni.