Kum 19 liam ta nimin angah khan Jawed Karim an tih mipa pakhat chuan YouTube-a video awm hmasa ber tur a dahlut a, second 19 leka sei a ni.
San Diego Zoo-a Sai ho hmaa a ding lai video niin, a thiante’n an laksak a, May 2005-a official taka YouTube an vawrhchhuah hma thla tam vak lo liam taa thil thleng a ni nghe nghe.
He video quality hi a chhe hle na a, digital revolution lo thleng tur atana hnarkaitu a ni pha tlat. 2006 khan Google-in $1.65 billion-in YouTube hi leiin, tunah chuan khawvel a tuamchhuak hneh hle a, video platform lian leh lar ber a ni zui ta.
YouTube-a video hmasa berin kum 19 a tlin chiah hian view maktaduai 317 chuang a nei ta bawk.