Nimin khan BJP chuan State Office, Upper Republic Mipui Run ah Friday Political Session neiin, Chawnghmingthanga, General Secretary, BJP Aizawl District-in inkhawm a kaihruai a, Lalremsangi Fanai, State Spokesperson-in Lengpui Airport chungchang report pein, Dr K. Beichhua, MLA & State Core Group Member-in thusawina hun a nei.
Lalremsangi Fanai chuan, “Lengpui Airport chungchang Mizoram State Monitoring Committee te’n an endik report na hun neiin, “Lengpui Airport Mizoramin Airport kan neih chhun a nih avangin Airport chei ṭhat hna thawh mek ah Mipui tana him tawk lo a awmin a hriat a, chungte chu MSPMC Member angin thuneitu ah hriattir niin, Sorkar hian hma an la ngei tur ah ngai ila, an siam ṭha lo a nih phei chuan BJP Party anga hmalak chhun zawm ngei a ngai dawn a ni,” a ti.
Dr K Beichhua, MLA chuan pawhin thu sawiin, “MP Election kan hmachhawn zawh takah Election Coordinator ka nih angin, BJP Mizoram-in MP Election kan hmachhawn dan ah a lawmawm hle a, mahni chanvo ṭheuh ṭha taka kan tihlawhtling thei kha a lawmawm hle a, hetiang taka Party inlungrual kan nih avang hian hmasawn zel hi kan hma ah a awm a ni,” a ti a.
Beichhua chuan, “MP Candidate Pu Vanlalhmuaka kan State President ni bawk chu a fakawm hle a, Political Party dang Candidate-te tan pawh entawntlak tak niin ka hria a, a chhanchu Party dang Candidate te a bei lova, Party dangte dik lo taka beihna a chhakchhuak lo te hi a puitlinzia a lang chiang hle a, BJP Manifesto hmangin mipui Vote a zawng mai a, hei hi a Kristian hle in ka hria a ni. Chuvangin Pu Vanlalhmuaka aṭang hian Political Party dangte pawhin zir tur kan ngah hle a, Policy base-a Politics kan khelh a, mipui tana hamṭhatna leh thlan tur dik an neihna tura hma kan lak ṭhin hi a pawimawh hle a ni,” a ti.
Beichhua chuan, “Union Finance Minister-in Siaha min tlawh ṭuma kan ti ti naah Central Scheme hrang hrangte a dawng tur dik tak te’n an dawn theihna tura dik taka hma la tur leh Report kimchang tak siama, chutianga thil nihna dik tak hmanga a dawng tur dik tak te’n an dawnna turin BJP Mizoram te’n hma in lak ngei a ngai a ni, tih min chah ang a, BJP Mizoram chuan theihtawp chhuaha hma kan lak a ngai dawn a, thil dik lo awm thei ang te zawn chhuah a, Mipui tana Politics dik chhawpchhuaktu kan nih theih nan hma latu leh mi dang tih hmuhtu kan ni ngei dawn a ni,” a ti bawk.
Political Session neih zawh hnu hian BJP Mizoram State Mahila Morcha-te kaihhruainain tunhnaia Accident avanga nunna chan ta Lalawmpuia Durtlang North ralna hun an nei a, he hunah hian State Mahila hruaitute bakah Aizawl District GS, State Media Department-te an tel bawk a ni.