Kum 4 hnu a album hmasa ber ni turin Eminem-a’n ‘The Death of Slim Shady’ a tichhuak dawn.
‘Death of Slim Shad (Coup de Grace) hi tun nipui chho hian ngaihthlak theih beisei a ni a, nimin khan Detroit-ah puanzarna a nei.
Hemi pual hian social media lamah trailer thar a dah a, teaser-ah hian crime reporter pakhatin Slim Shady thihna chungchang a sawi zauna a lang.
Eminem album hnuhnung ber kha ‘Music to Be Murdered By’ niin, January 2020 khan tlangzarh a ni a. Billboard 200-ah No. 1 nihpui nghalin, single hit tak, ‘Godzilla’ in a umzui nghal bawk.