Miss Mizoram 2024 thlanna neih zawh takah Republic Hmar Veng nula Jennifer Lalrinzuali chu Miss Mizoram 2024 atan thlan a ni.
Pahnihnah Evelyn Zachhingpuii, Saikhamakawn leh pathumnaah Rebecca Zothanpuii, Khawzawl thlan an ni bawk.
Miss Mizoram 2024 Jennifer Lalrinzualia hian Rs 2,00,000 leh Vespa scooter a dawn bakah, main sponsor – Women & Child Development (WCD) department ambassador a ni nghal ang.
First runner up-in Rs 1,00,000 a dawng dawn a, pathumnain Rs 50,000 a dawng ang. Pakhatna atanga pathumnate hi Lash Studio chuan hamthatna an pe dawn bawk.
Top 5-a tlingte, Top 10-a tling te, Finalist-te leh Sub-Title lawmman dawngtute hnenah lawmpuina pawisa pek a ni dawn a. Hemi atana pawisa fai pek chhuah tur zawng zawng chu Rs 6,55,000 a ni ang.
Top 5:
- Rebecca Zothanpuii, Khawzawl
- Lalhmingsangi, Kolasib
- Jennifer Lalrinzuali Renthlei, Republic Veng
- Evelyn Zachhingpuii, Saikhamakawn
- Lalrinhlui, Champhai