- Lallunghnema, Charity Lodge
Chawlhkar kalta khan Two Wheeler driver fel tak ka tawn thu leh kan inbiangbiakna ka rawn ziak a. Chu bakah Aizawl District Consumer Commission in mental agony charge Rs. 50000/- lawih Bajaj Allianz a chawitir thu ka ziak tel bawk a nih kha!
Mizoramah hian mi fel tak tak, entawntlak em em an awm a. Rinawm tak, mite tana malsawmna ni reng mai an kat nawk bawk. Hengho let tam tak erawh sual thiam, fel duh lo, chapo em em, duhâmna a khat an awm mek a. Hengho hian ram mipui hmel an tihem a. Mizoram an tichhe mek a ni. Hetih laiin mi felte leh mi rinawm te zârah Mizoram hi a la tlu lo hrâm a ni.
Taxi Pu fel te hi taxi pu fel lo te hliah khuhtu an ni a. Dawrkai felte chu dawrkai fel lo te hliah khuhtu an ni ve mek bawk. Bus conductor leh driver fel an awm a, fello tak ngeiawm tak an tam leh viau bawk. Chutiangin sumo khalhtu tha chu passenger-te tân a thlamuanna a ni bawk.
Hetia dawrkar leh sumdawngte, thil zuartute laka beiseina kan neih san viau mai lai hian consumerte pawh kan inbih chian ve a ngai a ni. Thil leitute leh hmangtute zingah chapo pui pui, hawihhawm lo tak tak an tam hle a . tlawm ringawt um, chaltlai tak taka thil zuartute deuhsawh ching na awm ve tho mai a.
Thil zuartute tibuai tawk chauhva duh uluk han ngir khup bawk. Thil lei tur bel chiang duh mang si lo, dawizep tawk chauhva fir inti hi kan tam hle. Huaisenna reng nei lo, tlan chhe chunga thil lei thin kan tam hle. Tawngkam uluk lo, tawng hling pai hi kan tam hle a ni. Duhsak tlak loh leh thil leitu leh hmangtute zingah kan tam em em reng ringawt mai. cash memo emaw receipt emaw lak nachang hre lo. La ngam lo, dil hreh kan tam. Tute emaw tibuai tawk chauhva inti changkang kan thahnem mai a nih hi.
Thil pawimawh tunlai taka kan mamawh chu: HUAISENNA, RINAWMNA, RILRU NGHET, CONSUMER NIH INHRIATNA. lehkhathiam inti , intifing consumer issue engmah hrelo, ngaihsak nachang hrelo hi nuai eng emaw zat kan la awm. Heng essential service: electric, water supply service (PHE) leh kan basic ningkhawng hre tha duh miah lo ho hi ka ngaisang ther tê lo!
Hengte hi in hriatna tihausatu atan lo hmang mai mai teh u:
* Qatar ram khu india hnena gas pe chhuaktu lian ber a ni.
* Financial year 2022-2023 chhung khan 18.03 million tonnes India chuan Qatar atangin a chaw lût. US Dollar 13.08 hû a ni.
* Gujarat Gas Ltd chu India ram khawpui chhunga Gas sem chhuaktu lian ber a ni.
* America company chu khawvela LPGas Exporter lian ber a ni.
* LPGas Price Control tu chu Marketing Company a ni.
* India rama Gas Home Delivery tih harsatna ber chu Mizoram a ni.
* Consumer nih inhre duh lo, hriat pawh tum lo hnam chu Mizote hi kan ni.
* Consumer zinga Huaisenna tlachham ber leh dawih ber chu Mizo consumer te hi an ni.
Hei hi lo hriat belh leh la. National Consumer Disputes Redressal Commission chuan an service a chhiat êm avangin Mahindra Company chu XUV leitu hnenah Rs. 13 lakh refund emaw car thar pe turin thutlûkna a siam!.
Complainant Manoj Kumar Sharma, UP chuan Mahindra XUV chu 13 lakh in a lei a. Vanduaithlak takin a car lei chu a khawl lamah haraatna eng emaw zat a awm a. Heng harsatna( snag in ignition, braking, Central lock system) awm avang hian motor chuan ‘accident’ a tawh phah a. Car pawh hman tlâk lohvin a chhiat phah a ni.
Complainant hian he Company hi NCDRC -ah a khing ta a. Car thar pe turin emaw 13 lakhs refund turin NCDRC chuan Judgement a siam ta a ni.Mi fâte hi chu an huaisen hle a n! Nang i dikna leh chanvo sual chhuak turin i huaisen ve dawn em?