Force Motors chuan an lifestyle offroad SUV lar leh tha, Gurkha chu a lian zawk, 5-door version an tichhuak ta a, Rs. 25,000 chawiin a book theih nghal a, a man chu Rs. Nuai 16 (ex-showroom) man chho vel atangin a intan dawn a ni.
Lei theih tura tlangzarh fel tak tak hun hi an la puangzar lo na a, book theih a ni nghal hian a chhuak har dawn lo tih a tilang thei ang a. Showroom lamah chuan thla thar tir lamah hian a thleng sung sung tawh dawn a ni.
Force Gurkha hi a hma khan 3 door version in a lo chhuak tawh a, tunhnaiah kan han hmu lo lawk a, tunah hian khawl thar tha zawk hmang 3-door version thar leh 5-door version hi a lo chhuak thar ta a ni.
Design leh thildangah chuan Force Gurkha thar hi danglamna a tam tehchiam lo a, a hmaa chhuak hnuhnung ber nen khan a inang viau a. Force Motors lam chuan Mercedes G-Wagen Indian version a ni te an ti hial a. Design thenkhatah leh a landanah hian a inang viau a, hman atang tawhin Force hian Mercedes atanga lak khawl an lo hmang thin tawh bawk a ni.
5 door a nih tak a vangin 3 door version ai chuan a sei zawk daih ta a. Danglamna neuh neuh chu awm bawk mahse han en thuak chuan a hmaa chhuak nen danglamna a tam lutuk lo a, hetihrual hian thil thar tam takin an thuam thung a ni.
A lan dana danglam langsar deuh chu wheel arch square pian deuh te, 18-inch dual-tone alloy wheel thar te kan hmu a. A chhunglamah chuan 9-inch touchscreen infotainment system Apple CarPlay leh Android Auto support, digital driver’s display, manual AC with roof-mounted rear vent, kawngka zawng zawngah power windows, tyre pressure monitoring system, rear parking sensor leh dual front airbag te kan hmu a ni.
5-door Force Gurkha Mercedes-sourced 2.6L, 4-cylinder diesel engine, a hmaa mi ang tiat tho a hmang a, hetihrual hian a hma aiin 49 bhp in power a san bakah 70 Nm in a torque a sang bawk a. 140 bhp power leh 320 Nm torque a pechhuak thei a, a elpui Mahindra Thar, aiin a power a sang ta tihna a ni. Gurkha thar hian 5-speed manual gearbox tho a la hmang bawk a ni.