Kumin April thla chhung khan Aizawl district-ah lirthei dan bawhchhia 275 man an ni a, a hremna atana an sum chawi tlingkhawm chu cheng nuai 10 chuang a ni.
District Transport Office hnuaia Enforcement staff-ten thla kalta, April chhunga lirthei an man zingah bungraw phur lirthei te ho (light goods vehicle) an tam ber a, 77 man an ni. A dawttu chu maxi cab ho an ni a, 44 an ni. LMV 47 leh heavy goods vehicle 40 man niin, an ni ho a a tam zual deuh an ni. Hemi hun chhung hian two wheeler taxi dan bawhchhia pakhat chiah man a ni thung a, rental car leh tanker pawh pakhat ve ve man an awm.
April thla chhung hian enforcement staff-te hian lirthei 1340 an endik atangin dan bawhchhia lirthei 275 an man a, an mante sum chawi tlingkhawm hi Rs. 10, 19,500 a ni a. A vai hian sawrkar sumbawma chhunluh tur a ni.
Dan bawhchhiatna tam ber hi insurance leh thildang, dam hun chhung nei chi document thi tawh, phurh theih aia tam phur, tlan theih lohna china phalna nei loa tlan te a ni thin a. Lirthei tlan tlan emaw a hmuna sum an chawi tur ang chawi tur nei nghal lo te chu e-challan hmanga chhinchhiah thin an ni.
Transport department hotute chuan, bungraw phur chi lirtheiah passenger neih phal a ni lo ang bawkin, passenger phur chi lirtheiah sumdawnna bungrua leh ran phurh phal a ni lo tih an sawi a. Mahni lirthei number (registration) ang nei hria kan awm chuan an awmna atanga DTO hnai berah hrilhhre turin an chah. Lirthei hlui lei dawnin DTO-ah a chinchang finfiah hmasa hin turin mipui an chah bawk.