Karleh mai khian Malmo, Sweden-ah 2024 Eurovision Song Contest kalpui a ni dawn ta a, Gaza indonna nasa tak kal mek phena neih tur hi khawvelin a thlir thuap mai.
Kum 70 zeta upa zai intihsiakna ah hian ram 37 aiawhte an inlan dawn a, May 11-ah final neih a ni ang.
He intihsiaknaah hian Israel a tel bawk si vangin kil hrang hrang atanga pressure awm mek pawh a so bulh bulh nia hriat a ni a, venhimna pawh a thuap thipa kalpui mek a ni.
Malmo-a cheng te zingah pawh ngaihdan a inpersan hle a, Israel tantu awm ve bawk mah se, Palestian lam awn te pawh thahnem tak an nih vangin tharum hmanga innuai te pawh awm thei reng a ni a, thuneitute an fimkhur.
Ruahman dan chuan May 9 hian Israel laka lungawi lohna lantirna neih tum a ni a, hemi ni vek hian second semi-final-ah Israel a inlan ve dawn bawk nen, boruak a tang tawh hle.