Borussia Dortmund-ah loan a khel mek England forward Jadon Sancho chuan Manchester United a kir a duh tawh lo. (Talksport)
Liverpool chhuahsan tur anga sawi Uruguay forward Darwin Nunez chuan Instagram page-a Liverpool nen inkaihhnawih thlalak zawng zawng a paih vek. (90min)
Inter Milan chu Manchester United pan duhtu Netherlands defender Denzel Dumfries dawrna dawngsawng turin an inbuatsaih. (La Gazzetta dello Sport – in Italian)
Chelsea chu £65m man Shakhtar Donetsk leh Ukraine midfielder Georgiy Sudakov dawr turin an inhmakhua a, kum 21 mi hi Arsenal, Manchester City leh Liverpool te pawhin an thlithlai ve bawk. (Mail)
Chelsea hian Napoli leh Nigeria forward Victor Osimhen pawh lak an duh a, kum 25 mi hi a £100m zet senga lakchhuah ngai a ni thung. (Sky Italia – in Italian)
Roma chuan Chelsea atanga an hawh mek Romelu Lukaku chu a nghetin lak luh an duh a, Lukaku hi Saudi Arabia club ten £38m senga lak tumin an ngaihven ve bawk. (Fabrizio Romano)
Atletico Madrid leh Slovenia goalkeeper Jan Oblak chu Chelsea in an bengkhawn zingah a tel. Atletico Madrid hian an squad thuamchak an tumna kawngah sum tuak an mamawh a, Oblak hi hralh an hreh lo. (Fichajes – in Spanish)
Newcastle chuan Crystal Palace in £60m an chhiar France Under-21 winger Michael Olise an ngaihven nawn leh dawn. (Mail)
West Ham leh Tottenham te chu Brentford leh England striker Ivan Toney lak tuma intlansiaknaah an inel fal a, kum 27 mi hi £50m velin dawr an tum ve ve. (Football Transfers)
Sweden forward Viktor Gyokeres chuan Arsenal in an ngaihven tih a hriat vangin Sporting Lisbon-ah rinawmna thu a tiam thei lo. (Standard)
Sevilla chu Leicester City manager Enzo Maresca ngaihven zingah an tel. Foxes hi Premier League-ah an kir leh dawn a, hei vang hian kum 44 mi hian ngaihven a hlawh thar leh zual. (Mail)
Manchester United chuan season tharah an player hlawh an tihhniam a ngai dawn a, Brazil midfielder Casemiro chu nipui bazar inhawn hunah leitu tur hmuh tumin hma an la. (Teamtalk)
Liverpool leh Uruguay forward Darwin Nunez chu FC Barcelona in Poland striker Robert Lewandowski hmunruak luahtu atan lak an tum tih hai lan a ni. (Sun)