Nikum ah thil duhawm loh tak thlen vanga chawpchilh taka cancel zui nghal Good Vibes Festival (GVF) chu kuminah hian thapui thawha kalpui tum ni mah se, Malaysia sorkar leh organiser te an fimkhur hle.
Band sawihlawh ‘The 1975’ in dawhsanah boruak duhawm lo tak an siam vang khan line-up band te pawh an duhkhirh viau mai a, Muslim ram tih theih Malaysia sorkar rilru tina thei emaw mipui mimir thinrimna chochhuak thei thil pholan a nih tawh loh an beisei. An ham ‘strict’ hle dawn.
Nikum July khan GVF show ropui tak ni tura beiseiah ‘The 1975’ hian zankhatnaah zaipu Matty Healy-a’n LGBTQ dan khauh tak mai kalpui chungchangah Malaysia sorkar a sawisel nek bakah bassist Ross MacDonald chu zai laiin a kiss bawk a, hei vang hian ni thum awh tur GVF show hi zankhatnaah tihtawp nghal hmak a ni.
He thil a thlen hnu lawkah ‘The 1975’ band hian Malaysia an chhuahsan nghal a, festival pawh neih chhunzawm theih ni tawh lovin zankhatnaah an thulh fel nghal der!