English Premier League (EPL) hi khawvela tualchhung league hautak leh sum tamna ber a ni. League harsa leh thawm nei lioan ber EPL-ah hian hattrick vawi eng emzawt siam a lo ni tawh. Season kal mekah hian EPL-ah hattrick vawi 16 siam a ni tawh a, EPL chanchinah season khata hattrick tam berna ni thei dinhmunah a ding mek. EPL season khata hattrick tam zualna kan tarlang ang.
- Hattrick vawi 12
EPL-ah hian season thum ngawtah hattrick vawi 12 siam a lo ni tawh. 1996-97 season khan hattrick vawi 12 siam a ni a. Hemi season hian Alan Shearer, Robbie Fowler, Dwight Yorke leh Ian Wright te chu hattrick siam langsar zual an ni. Fowler hian hian 5-1 ngawta Middlesbrough an sawp tumin Liverpool tan goal li ngawt a thun a, Lioverpool tan game khata goal li thun thei hmasa ber a ni.
1996-97 season-ah hattrick vawi 12 siam a nih bakah hian kum 2020-21 khan hattrick vawi 12 siam a ni bawk. Hemi season hian player 12 ten hattrick an siam a, chung zingah chuan Mohamed Salah, Son Heung-Min, Jamie Vardy leh Pierre-Emerick Aubameyang te an tel. Hemi season hian goal 23 thun a Golden Boot dawngtu Harry Kane was chuan ahttriacka siam lo tlat thung.
1998-99 season khan EPL-ah hattrick vawi 12 siam a ni a, hemi season langsar tak chu Tottenham Hotspurs player pawimawh Gareth Bale a ni.
- Hattrick vawi 13
EPL season khatah hattrick vawi 13 siam hi season nga ngawt a awm tawh a, chungte chu 1994-95, 1999-2000, 2021-22, 2012-13 leh 2002-03 te an ni.
1994-95 season-ah hian EPL-ah club 22 awm thin chu 20 ah tihhniam a ni. Season dang aiin club awm tlem zawk mah se EPL-ah hattrick vawi 13 siam a ni ta thung. Hemi season hian Blackburn Rovers player pawimawh Alan Shearer chuan hattrick vawi thum a siam. Shearer hi top scorer a ni a, goal 9 ngawtin an sang fal nghe nghe.
Shearer a lansarh em em lai hian Liverpool forward Robie Fowler chuan Arsenal an hmachhawn tumin minute li leh secind 33 chhungin hattrick a siam hman der mai a, EPL-a hattrick siam rang ber record a siam hial nghe nghe. Fowler record hi hun rei tak a din hnuin Southampton forward, Liverpool tana ropui taka khel zui Sadio Mane chuan kum 2015 khan a rawn khum. Mane hian Aston Villa an hmachhawn tumin minute 2 leh second 56 chhung lekin hattrick a siam a, hei hi EPL a hattrick siam rang ber record a la ni reng.
1994-95 season-ah hian Manchester United forward Andy Cole chuan 9-0 ngawta Ipswich Town an sawp tumin Manchester United tan goal 5 a thun a, EPL match khatah goal nga thun hmasa ber a ni.
1999-2000 season hian EPL-a goal thun hnem ber Alan Shearer bawk a langsar leh a, Newcastle United in 8-0 ngawta Sheffield Wednesday an hneh tumin goal nga a thun a. EPL player zingah EPL match khata goal nga thun thei pahnihna a ni.
Hemi season hian Manchester United chu EPL champion an ni a, United player pali ngawtin hattrick an siam nghe nghe.
2012-13 season-ah hian Arenal forward hlui, Manchester United tana khel ta Robin van Persie a langsar a, Luis Suarez chungah awmin top score a ni. Arsenal captain hlui Van Persie hian hemi season hian hattrick vawi hnih a siam.
- Hattrick vawi 14
EPL season khatah hattrick vawi 14 siamna hi season li a awm tawh a, 2009-10, 2000-01, 1992-93 leh 2015-16 season-ah te khan hattrick vawi 14 siam a ni.
1992-93 season-ah hian a vawi khat nan club 22 an awm a, hemi tum hian hattrick vawi 14 siam a ni. eam at the bottom of the
- Hattrick vawi 15
Kum 2007-08 season-ah khan hattrick vawi 15 siam a ni a, EPL-ah hattrick vawi 15 siamna season awmchhun a ni nghe nghe. He season-ah hian a Premier League-a hmel thar Fernando Torres chuan hattrick a siam.
- Hattrick vawi 16
Season kal mek 2023-24 chhiar telin EPL Season khata hattrick vawi 16 siamna hi season thum a awm tawh. 2023-24-ah hian hattrick vawi 13 siam a ni tawh a, khelh hmabak tlem la awmah hattrick siam an awm a, hattrick vawi li siam belh a nih phei chuan EPL season khata hattrick siam tam ber tum a ni thei dawn hial.
Season kal mekah hian ni khatah Erling Haaland (Manchester City), Son Heung-Min (Tottenham) leh Evan Ferguson (Brighton) ten hattrick an siam hlawm a. Hei hi EPL-ah a thlen vawi khatna a ni.
Tarlan tawh angin season kal mekah hattrick vawi 16 siam a nih tawh bakah hian 1995-96 leh 1997-98 te khan hattrick vawi 16 siam a lo ni tawh bawk.
EPL-ah hian hattrick siam thei naupang ber chu Michael Owen a ni a. Owen hi EPL-a hattrick a siam hmasak ber tumin kum 18 leh ni 62 a upa a ni.
- Hattrick vawi 17
Kum 2010-11 season khan EPL-ah hattrick vawi 17 siam a ni a, hei hi EPL season khata hattrick tam ber dawttu a ni mek. Hemi season-a hattrick siam langsar zualte chu Didier Drogba, Theo Walcott, Mario Balotelli, Robin van Persie, Louis Saha, Wayne Rooney, Dirk Kuyt aleh Carlos Tevez te an ni.
- Hattrick vawi 19
EPL season khata hattrick siam tam ber vawi 19 hi kum 1993-94 leh 2011-12 a siam kha a ni.
1993-94 season-ah hian Andy Cole leh Alan Shearer ten goal 30 ve ve an thun a. Player dang pali ngawtin goal 20 an thun tling bawk. Season tluana inkhel vawi 462 zet awmah goal 1195 zet a lut a, EPL seasonn khata goal lut tam ber dawttu a ni phak hial.
2011-12 season-ah hian Edin Džeko, Wayne Rooney (2), Frank Lampard, Dimitar Berbatov, Steven Gerrard, Clint Dempsey, Luis Suárez, Fernando Torres leh Robin van Persie ten hattrick an siam hlawm. Hemi season-a thil thleng langsar tak chu Manchester United in Old Trafford-a an mikhual Arsenal 8-2 ngawta an hneh kha a ni a. United laka an tlawmna hi 1927 hnu lamah Arsenal tlawm chian leh ber tum a ni.