Ningani zan khan Europa Conference League – Semi-final hnuhnung zawk khelh a ni a, European competition a English club dam awmchhun Aston Villa chu Olympiakos lakah an tlawm nawn leh a, final lut zo lovin an tla.
Season kal meka chetha tak Aston Villa hian semi-final-a an khingpui Olympiakos an ngam lo via a, an mualah Villa Park-ah ngei 4-2 in an tlawm nghal. An mualah chiang taka an tlawm hnuin ninga zan khan Mimualah an inlan ve thung a, si hnih faiin an tlawm leh ta tho. Europa League atanga an tlak hnuin Villa hian EPL-ah palina nih phak tumin tan an khawh zui ang.
Greece club lian Olympiakos hian an mikhual Aston Villa an ngam viau a, an mualah goal pawh an thun hma viau. Semi-final thawhkhatnaa hattrick siam Ayoub El Kaabi chuan minute 10-naah hmahruaina goal a thun. Hun rei tak goal lut a luh belh theih loh hnu hian El Kaabi hian minute 78-naah an goal hnihna a thun belh zui leh a, an chakna a nem nghet. El Kaabi goal hnih thun bak goal dang a luh belh thei lova, Olympiakos chuan an khingpui Aston Villa chu si belhkhawmah 6-2 ngawtin an hneh a, final an lut. Final-ah Italian club Fiorentina an hmachhawn zui leh ang.